വിവരണം
പുതുപ്പള്ളിയില്‍ ചാണ്ടി ഉമ്മന്‍ തോറ്റാല്‍ കോണ്‍ഗ്രസിന് ഉത്തരവാദിത്തം ഇല്ലെന്ന് കെപിസിസി പ്രസിഡന്‍റ് കെ.സുധാകരന്‍ പറഞ്ഞു എന്ന തരത്തിലുള്ള പ്രചരണമാണ് സമൂഹമാധ്യമത്തിലൂടെ പ്രചരിക്കുന്നത്. സെപ്റ്റംബര്‍ എട്ടിന് വോട്ടെണ്ണല്‍ നടക്കാനിരിക്കെ കോണ്‍ഗ്രസ് നേതൃത്വം വരെ ചാണ്ടി ഉമ്മനെ കൈവിട്ടു എന്ന തരത്തിലാണ് സമൂഹമാധ്യമങ്ങളിലെ പ്രചരണം. മുരളീധകരന്‍ രാജേഷ് എന്ന വ്യക്തിയുടെ പ്രൊഫൈിലില്‍ നിന്നും പങ്കുവെച്ചിരിക്കുന്ന പോസ്റ്റിന് നിരവധി റിയാക്ഷനുകളും ഷെയറുകളും ലഭിച്ചട്ടുണ്ട്-
കമ്മ്യൂണിസ്റ്റുകാര്‍ എന്ന ഗ്രൂപ്പില്‍ അന്‍വര്‍ മതിലകത്ത് എന്ന വ്യക്തിയും ഇതെ വാചകങ്ങള്‍ പോസ്റ്ററായി പങ്കുവെച്ചിട്ടുണ്ട്-
എന്നാല്‍ യഥാര്‍ത്ഥത്തില്‍ കെപിസിസി പ്രസിഡന്‍റ് ചാണ്ടി ഉമ്മന്‍റെ തോല്‍വി സംബന്ധിച്ചൊരു പ്രസ്താവന നടത്തിയിട്ടുണ്ടോ? എന്താണ് പ്രചരണത്തെകുറിച്ചുള്ള സത്യാവസ്ഥ എന്ന് പരിശോധിക്കാം.
വസ്‌തുത ഇതാണ്
ആദ്യം തന്നെ കെപിസിസി പ്രസിഡന്‍റ് കെ.സുധാകരന്‍ ഇത്തരമൊരു പ്രസ്താവന നടത്തിയിട്ടുണ്ടോയെന്ന് അറിയാന്‍ കീ വേര്‍ഡ് ഉപയോഗിച്ച് ഗൂഗിള്‍ സെര്‍ച്ചില്‍ വാര്‍ത്തകള്‍ തിരഞ്ഞെങ്കിലും ഇത്തരമൊരു വാര്‍ത്ത ഒരു മാധ്യമവും റിപ്പോര്‍ട്ട് ചെയ്തതായി കണ്ടെത്താന്‍ കഴിഞ്ഞില്ലാ. തുടര്‍ന്ന് ഫാക്‌ട് ക്രെസെന്‍ഡോ മലയാളം കെപിസിസി മീഡിയ കോര്‍ഡിനേറ്റര്‍ കിരണ്‍ ഒ.എസുമായി ഫോണില്‍ ബന്ധപ്പെട്ട് പ്രചരിക്കുന്ന പ്രസ്താവനയെ കുറിച്ച് അന്വേഷിച്ചതില്‍ നിന്നും അദ്ദേഹം നല്‍കിയ മറുപടി ഇങ്ങനെയാണ്-
സിപിഎം സൈബര്‍ സംഘങ്ങള്‍ മനപ്പൂര്‍വ്വം ജനങ്ങളെ തെറ്റ്ദ്ധരിപ്പിക്കുന്നതിന് വേണ്ടി പ്രചരിപ്പിക്കുന്ന വ്യാജ പോസ്റ്ററുകളും പ്രസ്താവനകളുമാണിത്. കെപിസിസി പ്രസിഡന്‍റോ കോണ്‍ഗ്രസിന്‍റെ നേതാക്കളോ ഇത്തരമൊരു പ്രസ്താവന നടത്തിയിട്ടില്ലായെന്നും ഇത് വ്യാജ പ്രചരണമാണെന്നും അദ്ദേഹം പറഞ്ഞു.
നിഗമനം
കെപിസിസി പ്രസിഡന്‍റ് കെ.സുധാകരന്‍ ഇത്തരത്തിലൊരു പ്രസ്താവന ചാണ്ടി ഉമ്മനെ കുറിച്ച് നടത്തിയിട്ടില്ലായെന്ന് ഇതോടെ വ്യക്തമായി കഴിഞ്ഞു. അതുകൊണ്ട് തന്നെ പ്രചരണം വ്യജാമാണെന്ന് അനുമാനിക്കാം.
ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ Telegram ചാനല്‍ Fact Crescendo Malayalam ഈ ലിങ്ക് ഉപയോഗിച്ച് സബ്സ്ക്രൈബ് ചെയുക.
Title:കെ.സുധാകരന്‍ ചാണ്ടി ഉമ്മനെ കുറിച്ച് ഇത്തരമൊരു പ്രസ്താവന നടത്തിയിട്ടില്ലാ.. വസ്‌തുത അറിയാം..
Written By: Dewin CarlosResult: False
