വിവരണം
എല്ലാവരും പെട്ടന്ന് ഷെയർ ചെയ്യു..ഈ കുട്ടി കേരളത്തിലുള്ളതാണ് മലയാളം സംസാരിക്കുന്നു..ഇപ്പോൾ തമിഴ്‌നാട്ടിലുണ്ട്..പ്ലീസ് ഷെയർ പ്ലീസ്..ഒരു വിരൽ സ്പർശനം കൊണ്ട് നമുക്ക് ഒരു കുട്ടിയെ രക്ഷിക്കാനാവും..പ്ലീസ് ഷെയർ.. എന്ന തലക്കെട്ട് നല്‍കി ഒരു കുട്ടി ട്രെയിനില്‍ ഇരിക്കുന്ന ചിത്രം സമൂഹമാധ്യമങ്ങളില്‍ വൈറലായി പ്രചരിക്കുന്നുണ്ട്. നിരവധി പേരാണ് ചിത്രം നിമിഷ നേരം കൊണ്ട് ഷെയര്‍ ചെയ്യുന്നതും. ബാബു പിള്ളൈ എന്ന വ്യക്തിയുടെ പ്രൊഫൈലില്‍ നിന്നും പങ്കുവെച്ചിട്ടുള്ള പോസ്റ്റിന് ഇതുവരെ 15ല്‍ അധികം റിയാക്ഷനുകളും 221ല്‍ അധിക ഷെയറുകളും ലഭിച്ചിട്ടുണ്ട്-
എന്നാല്‍ യഥാര്‍ത്ഥത്തില്‍ ഇങ്ങനെയൊരു കുട്ടിയെ തമിഴ്‌നാട്ടില്‍ നിന്നും കണ്ടെത്തിയിട്ടുണ്ടോ? കേരള പോലീസ് കേസ് എടുത്ത് അന്വേഷണം നടത്തുന്നുണ്ടോ? എന്താണ് പ്രചരണത്തിന് പിന്നിലെ വസ്‌തുത എന്ന് പരിശോധിക്കാം.
വസ്‌തുത ഇതാണ്
പ്രചരിക്കുന്ന ചിത്രത്തിന്‍റെ സത്യാവസ്ഥ അറിയാന്‍ ഫാക്‌ട് ക്രെസെന്‍ഡോ മലയാളം സംസ്ഥാന പോലീസ് മീഡിയര്‍ സെന്‍റര്‍ ഡപ്യൂട്ടി ഡയറക്‌ടര്‍ പ്രമോദ് കുമാറുമായി ഫോണില്‍ ബന്ധപ്പെട്ടു. അദ്ദേഹം ചിത്രം പരിശോധിച്ച ശേഷം ഇത് വര്‍ഷങ്ങളായി ഇൻ്റര്‍നെറ്റില്‍ പ്രചരിക്കുന്ന ചിത്രമാണെന്നും. ഉറിവടം വ്യക്തമല്ലാത്ത ഈ ചിത്രത്തിന് യാതൊരു ആധികാരികതയോ ഇത്തരമൊരു സംഭവം പോലീസില്‍ റിപ്പോര്‍ട്ട് ചെയ്തപ്പെട്ടതായോ അറിവില്ലായെന്നും പ്രതികരിച്ചു. ഷെയര്‍ ചൊറ്റ്, വാട്‌സാപ്പ്, ഫെയ്‌സ്ബുക്ക് പോലെയുള്ള സമൂഹമാധ്യമങ്ങള്‍ മലയാളികള്‍ക്ക് സുപരിചിതമായ കാലത്തൊട്ട് ആള്‍ക്കാര്‍ ഷെയര്‍ ചെയ്യുന്ന ചിത്രമാണിതെന്നും ഞങ്ങളുടെ അന്വേഷണത്തില്‍ നിന്നും കണ്ടെത്താന്‍ കഴിഞ്ഞിട്ടുണ്ട്.
നിഗമനം
പ്രചരിക്കുന്ന ചിത്രം ഏറെ വര്‍ഷങ്ങളായി സമൂഹമാധ്യമങ്ങളില്‍ പ്രചരിക്കുന്നതാണെന്നും ഈ ചിത്രത്തിന്‍റെ ഉറവിടം വ്യക്തമല്ലായെന്നും പ്രചരണത്തിന് യാതൊരു ആധികാരികതയില്ലെന്നും കേരള പോലീസ് തന്നെ സ്ഥിരീകരിച്ചിട്ടുണ്ട്. അതുകൊണ്ട് തന്നെ പ്രചരണം വ്യാജമാണെന്ന് തന്നെ അനുമാനിക്കാം.ഞങ്ങളുടെ ഏറ്റവും പുതിയ ഫാക്റ്റ് ചെക്കുകള്‍ ലഭിക്കാനായി ഞങ്ങളുടെ Telegram ചാനല്‍ Fact Crescendo Malayalam ഈ ലിങ്ക് ഉപയോഗിച്ച് സബ്സ്ക്രൈബ് ചെയുക.
Title:കേരളത്തില്‍ നിന്നും കണാതായതാണോ ഈ കുട്ടി? പ്രചരണത്തിന് പിന്നിലെ വസ്‌തുത അറിയാം..
Written By: Dewin CarlosResult: Misleading
