സാമുഹ്യ മാധ്യമങ്ങളില്‍ പ്രചരണം
അന്ധവിശാസത്തിന്‍റെ ഭാഗമായി ചിലര്‍ ദൈവങ്ങളെ പോലും ക്വാറന്‍റൈനില്‍ വെക്കുന്നു എന്ന തരത്തില്‍ ഒരു ചിത്രം സാമുഹ്യ മാധ്യമങ്ങളില്‍ ഏറെ പ്രചരിക്കുകയാണ്. ചിത്രത്തില്‍ ചില വിഗ്രഹങ്ങള്‍ കട്ടിലില്‍ കിടക്കുന്നതായി നമുക്ക് കാണാം. കൂടെ ചില വിദേശി ഭക്തന്മാരുമുണ്ട്. പക്ഷെ ഈ ചിത്രത്തിന്‍റെ യഥാര്‍ത്ഥ്യം ഇതല്ല. ചിത്രം പ്രചരിപ്പിക്കുന്ന ഒരു ഫെസ്ബൂക് പോസ്റ്റിന്‍റെ സ്ക്രീന്‍ഷോട്ടും ലിങ്കും താഴെ നല്‍കിട്ടുണ്ട്.
പോസ്റ്റില്‍ പ്രചരിപ്പിക്കുന്ന ചിത്രത്തിന്‍റെ മുകളില്‍ എഴുതിയ വാചകം ഇപ്രകാരമാണ്: “വിഡ്ഢികളുടെ സ്വര്‍ഗ്ഗത്തില്‍ ദൈവത്തിനും ക്വാറന്‍റൈന്‍”
പക്ഷെ ഈ ചിത്രത്തിന്‍റെ യഥാര്‍ത്ഥ്യം ഇങ്ങനെയാണ്…
ചിത്രത്തിനെ റിവേഴ്സ് ഇമേജ് അന്വേഷണം നടത്തി പരിശോധിച്ചപ്പോള്‍ ഞങ്ങള്‍ക്ക് താഴെ നല്‍കിയ ഈ യുട്യൂബ് വീഡിയോ ലഭിച്ചു. ഈ വീഡിയോയില്‍ റഷ്യയിലെ ഒരു ISKCON ക്ഷേത്രമാണ് കാണുന്നത്. ഈ ക്ഷേത്രത്തില്‍ കട്ടിലില്‍ കടക്കുന്ന വിഗ്രഹങ്ങള്‍ ശ്രി ശ്രി പഞ്ചതത്വത്തിന്‍റെതാണ്. വീഡിയോയില്‍ റഷ്യന്‍ ഭക്തര്‍ വിഗ്രഹങ്ങളെ പൂജിക്കുന്നത് നമുക്ക് കാണാം. വീഡിയോയുടെ അടികുറിപ്പ് പ്രകാരം ഈ ക്ഷേത്രം റഷ്യയിലെ ഒമ്സ്ക് എന്ന നഗരത്തിലാണ്. വീഡിയോ ജൂലൈ 26, 2019നാണ് യുട്യൂബില്‍ പ്രസിദ്ധികരിച്ചത് അതായത് കൊറോണ മഹാമാരി തുടങ്ങുന്നതിന് മുമ്പേ. വീഡിയോ താഴെ കാണാം.
നിഗമനം
ചിത്രത്തില്‍ കാണുന്ന വിഗ്രഹങ്ങള്‍ ക്വാറന്‍റൈനിലാക്കിയ ദൈവങ്ങളുടെതല്ല. റഷ്യയിലെ ഒരു ക്ഷേത്രത്തിലെ പഞ്ചതത്വ ദര്‍ശന്‍ എന്ന് അറിയപെടുന്ന വിഗ്രഹങ്ങളുടെ ചിത്രമാണിത്. കൊറോണ വ്യാപനം തുടങ്ങുന്നതിന് മുമ്പേ മുതല്‍ ഈ വിഗ്രഹങ്ങളെ ഇങ്ങനെയാണ് പൂജിക്കാരുല്ലറുള്ളത്.
Title:ഈ ചിത്രം കൊറോണ കാരണം ദൈവങ്ങളെ ക്വാറന്‍റൈനില്‍ വെച്ചതിന്‍റെതല്ല; സത്യാവസ്ഥ അറിയൂ…
Fact Check By: Mukundan KResult: False
